١- كنت جايبة معي اوراق ابلصقهن بمكان الاعتصام ، وقلت لناصر يقرب قوة لمكان البنات الفخمات اللي يعتصمن ! قربنا و نزلت وصرت الصّق ..
٢- رجعت للسيارة ابجيب ورقة كمان ! اثر فيه واحد مباحث متلطم علّم علينا وعلى اثره جاء الشرطي لسيارتنا وقال لناصر عطن الاثبات ! واخذه ووقفنا
٣- وقفنا لمدة ساعة على جنب لمين حول المغرب ، بعدين قال لناصر الشرطي انزل انا ابسوق سيارتكم وانت اجلس بمكان الراكب وطبعا انا ورا .. و ساق بنا
٤- ودانا لم الشرطة الشرقية اعتقد ودخل سيارتنا على اذان المغرب ! وجلسنا بالسيارة لممممين الساعة تسع بالليل ! بعدين حققوا معنا واحتجزوا ناصر
٥- و اما انا قالوا نوديك لدار الفتيات بالصفراء "السجن الفخم حقنا" ! وصلنا الدار الساعة حدعش بالليل ، جيت ابدخل قال العسكري وراه بس انتي ؟!
٦- مادري وش السالفة و اسكّت ! قال ادخلي ادخلي خخخ .. يوم دخلت بسم الله الرحمن الرحيم بغيت اهج "يالله يالله تفتيش تفتيش تفتيش" كثاار ومتنقبات
٧- دخلون لغرفة صغيرة والتفتيش مش كويس حبتين ! طبعاً ملابسي بدلوهن كلهن ، حسيت اني حاطه تفجيرات بملابسي ، حتى جزماتي اخذوهن .. ليش؟! مادري
٨- طبعاً انا لو قايلين لي طبي مع الدريشة طبيت ! مامعي احد و اول مرّة اجرب مكان كذا .. مبسوطين علي خخ ! قالوا يالله تعالي معنا بالمبنى الثاني
٩- قلت والنعال ؟! قالوا مب لازم ! قلت اجل ابي جزماتي .. قالوا خلاص نجيب لك ، بس قبل تعالي لغرفة الاخصائية هذي .. طبعاً حتى الان ماشفت ولا
١٠- ولا وجه وحدة منهن ، حتى الاخصائية ! دخلت المكتب حقه وجلست بالكرسي وصارت تسألن اسئلة التحقيق المعتادة ! من ضمن الاسئلة قالت
١١- وش وظيفة ابوك ؟ قلت متقاعد ! قالت عسكري ؟! قلت وععع, بغت تغولن ! قالت طيب وليشش انتي طالعة ؟وبديت اتلاج انا وياه > اتهاوش يعني على خفيف
١٢- قلت : نبي نستمر لين تطلعونهم كل ابوهم ! قالت لازم محاكمة قلت حاكموهم ! قالت ايش دخلي؟ قلت طيب ليش تسألينن دام ايش دخلك ؟ قالت خلاص خلاص
١٣- بعدين جلست تكتب قدامي ، وقالت لوحدة من السجانات تودّين للزنزانة ! جت سجانة منقبة كمان وقالت تعالي .. وطلعنا من المبنى الاول متوجهين لـ
١٤- لمبنى الثاني وطبعاً بينهم حوش ! و اجي ابرفع راسي ابشوف السماء عجززت ! الجدارر رفيعع بعدين سينكووووا بعيد شبك ! قالت امشي بسرعة ! ومشيت
١٥- و كان فيه كميرات بالزوايا بالحوش ! وبعدين يوم دخلت لم المبنى الثاني وطولنا ورقينا درج ووصلنا للدور الثاني ، لقيت باب بجنبه مكتوب
١٦- "مهجع رقم ١" حبيت كلمة مهجع والله خخ !و دخلت اثري بلحالي وصكرت الباب و راي ! الغرفة جممميلة ، والمكيف سبلت والانوار فخمات والسرير لا بأس
١٧- و اجلس خايفة شوي ! بلحالي وبرد و مادري المهاجع الثانية على قولتهم فيها احد او لا ! جلست يمكن ساعة ، بعدين ناديت وحدة من السجانات ! قلت
١٨- كم الساعة ؟! قالت ممنوع ! قلت هو ليش ، قالت اقولك اذا جت صلاة الفجر ! قلت طيب معين القبلة ؟ قالت من هنا ! الدريشة اللي بيني وبينها
١٩- نفس الاعمدة عريضة ! عجزت اشوف معين تأشر بالضبط! بعدين قدّرت القبلة لان خفت تهوشن اذا سئلته ثانية ! وصفيت اصلّي بالشرشف حق السرير
٢٠- وانا اصلّي ! طبعا اصلي بالزاوية يعني لو تويق مع الدريشة ماتشوفن ! بس سمعت صوته تقول ! بيان القبلة مع الدولاب مع مع السرير ..
٢١- وتطقّن ام الركب ! بسم الله شلون شافتن ؟! قلت يمكن فيه شيء عاكس وبديت ارقّع عشان ماخاف ! يوم جلست اربع ساعات ، اترّقب واتسمّع اي صوت
٢٢- اومير اسمع صوت من برا واروح اويق مع الدريشة ! واشوف بنات كثاررر جايات ويضحكن مبسوطات خخ واستاانس .. جاء احد ، جاء احد !
٢٣- بعدين السجانات دخلت مجموعوتين بغرفتين و باقي بنتين كل وحدة حطته بلحاله ! انفرادي وانا الثالثة .. وتخنقن العبرة وناديت السجانة ، قلت له
٢٤- " وش حيثهم ذولا جميع وانا لا؟" قالت ودك ؟ قلت اييه ، قالت طيب طيب و راحت نادت المجموعة الاولى ، وجوا عندي بالغرفة وعلى طول سلمنا على بعض
٢٥- عددهم اربعة وانا الخامسة ومعنا كم طفل ! وصلينا الفجر ونمنا الساعة ست ! الساعة ثمان انفتحن الانوار ودوووو ادخلوا علينا "يالله يالله فطور"
٢٦- قلت مابي طفوا اللمبات ! بس اثره مب على كيفي .. اللمبات و ريموت المكيف من عندهم ! خخ ، وحنا عشان معنا اطفال معطيننا جناح في دورة مياه
٢٧- المهاجع الثانية لا ، يعني اذا بغوا دورة المياة يزملون ! المفروض حطوا النظام كله كذا ! المهم مافي شي مهم لمين قبل العصر ! اخذونا كل ابونا
٢٨- تحت بالمبنى الاول علشان فيه قاضي وفيه تحقيق ! وجلست انتظر دوري لين جاء ! قال انتي بيان قلت ايه قال لا انتي محققين معك الشرطة الشرقية
٢٩- بعدين رجعنا للغرف او المهاجع ! يوم صار الساعة ثنتين بالليل ، وطبعاً مانقدر نعرف الوقت مرة لان نفس النوافذ عليه شبوك وحدايد وكذا !
٣٠- يعني الشمس بالموت تدخل لمنا ! والسماء مانشوفه خير شر ! اول ماطلعت انا للشارع رفعت راسي < كلاكة ! المهم الساعة ثنتين بالليل تقريباً
٣١- سمعنا صوت شرطة وكذا بعدين لجّة بنات تحت "هذي اللحظة كنا نويق مع الدرايش نحتري من يدخل خخ حسيت اننا ذوليك اللي مع سالي ، ودخلوا مجموعة
٣٢- مجموعة بنات بطلات " بنات الاعتصام الثاني" وشفت معهن مي الطلق و امينة الراشد وتحقق حلم حياتي ! وبسرعة بخشونة يدخلونهم المهجع رقم مادري كم
٣٣- بعدين كان في تحقيق ثاني طويل اطول من الاول وكنت انتظر دوري ! بس ماقالوا اسمي .. يوم صار الفجر قالوا افراج ، كل وحدة تقولنا رقم ولي امره
٣٤- وعطوا البنات الارقام وطلعوا بعضهم وانا انتظر دوري .. قلت البجادي متى؟! قالت انتي لا وراه ليش لماذا ؟! المهم على العصر من بكرى كل البنات
٣٥- اللي بنفس دفعتي طالعات الا انا و امامة السديري عمره ١٢ سنة ، طلعت تطالب بأبوه الشيخ صالح السديري سجين لسبع سنوات بدون محاكمة !
٣٦- السجانات قالوا ليش انتي طفلة وطالعة حرام .. قالت الحرام من كنت صغيرة وابوي مسجون ! والله بطلة بطلة بطلة سكتتهم
٣٧- يوم صارت الساعة عشر بالليل ، تجي الادارة تنادين تقولي ان ماطلعناك امس ناسينك، شدعوى ! جرحت كبريائي ! هو انا انسى
٣٨- قالوا ناسين نحقق معك التحقيق الطويل الثاني ، واستعجلي عشان تدخلين عند القاضي ! لبست عباتي ودخلت وانا ووحدة من السجانات .. قالي وش اسمك
٣٩- وعمرك وتدرسين وحالتك الاجتماعية وليش طلعتي وهل لك سجين وهل اهلك يعلمون وهل تعلمين الاعتصام محرم شرعا وتأليب للراي العام وزعزعة الامن
٤٠-قلت لا مب حرام ! بعدين وقعت وبصمت ! على فكرة من دخلنا لين طلعنا وهم يشفطون دم من الاصبع الابهام ويخلوننا نبصّم بكل وقت ! وبعدين الساعة ١٢
٤١- قالوا افراج وطلعت لاهلي وبس ! المعاملة من المنقبات مب حلوووة ابد ابد ! اما فيه سجانات يفتشن معاملتهن كويسة او اهون شوي !
٤٢- كمان سالفة انهم يطعموننا مع الابهام كم مرة ويشفطون دم ليش ؟ و الساعة مايعلموننا ابد ابد لين يجي وقت الصلاة ! النوم حوسة قوة ، نقوم على
٤٣- كيفهم وننام على كيفهم ! الاكل كويس الحمدلله .. شخصياً ما عانيت والله ! بس بعض بنات الرشودي ومي وهيفا الجديعي معاملتهن خاصة لان لهن سوابق
٤٤- كمان اذا ودي اسولف مع الغرفة اللي قبالي يرفضوون وممنوع ! يعني حاولوا بشتّى الطرق يمنعون الحديث بين بنات الاعتصام الاول والثاني
هذا كله ماجرح كبريائي غير انهم نسون ، ماش حازة بنفسي ! والشيء الجميل اني مررة استفدت من البنات والجو بيننا كاننا نعرف بعض مبطي
باختصار .. مبسووطة اني طلعت قووة قووة ، مرة تعلمت اشياء واجد خلال هاليومين ونصف بس ! وشكراً واسفة على اللهجة العامية والاطالة
خخخ معليش "القبلة مع الدولاب مب مع السرير" ، نسيت اقول اني اكتشفت عقب ان جميع الغرف فيها كاميرات مراقبة !
على فكرة ، اذا في احد المهاجع كثّر الطلبات ، تقول لهم السجّانة "اففف وش جابكم انتم ؟ نقول له عساكركم ، تقول ايه ساددة ليش تطلعون للشارع احسن
يعني بين حين و حين ، لازم يقولون هالكلام .. حتى في سجانتين عسل ماشا الله ! بس كل فترة يقولون انتم بنات صغار انبسطوا بحياتكم !! كأنهم مأمورين
المصدر