الجمعة، 30 أغسطس 2013

عبدالرحمن إبن المعتقل #سعد_النينياء يغرد عن المضايقات والضغوط التي يتعرض لها والده بسبب تغريد ابنه دفاعًا عنه #المعتقلين #سجن_الدمام #السعودية

  

السلام عليكم ورحمة الله وبركآته ..


 1- اتصل علينا أمس والدي اتصال اسبوعي، وانتهت مدة الاتصال وأغلق الهاتف.. تفاجأنا بعد ساعة تقريباً اتصل

2- اتصل علينا مرة أخرى وكلم الوالدة، السلام عليكم، وين عبدالرحمن؟ هذا هو جنبي يسوق ... عطيني اياه

3- اخذت الجوال بسرعة، سم ابوي؟ عسى خير .. قال ياولدي قفل حسابك.. قلت ايش؟ قال قفّل حسابك بتويتر وخلاص

4- وخلاص ﻻ تكتب شي، واكتب تغريدة اعتذار وقل: انا ابن يطالب بأبيه ويمكن اني أخطأت وأعتذر .. الوالد واضح

5- من نبرة صوته انه متضايق، وحتى في وقت الزيارة واضح انه يواجه ضغوطات نفسية وضغوطات من المباحث في

6- انا ماحبيت أرفض وأقول:(لا لا ماني مسكّر الحساب) ~ قلت له ابشر عشان مايتضايق .. ولكن أحب أقول للمباحث

7- لست إلا ابن يطالب بأبيه المعتقل ظلما وعدونا من 8 سنوات، ولم يثبت في حقه أي جرم .. واقول لهم

8- ان هذا الحساب ماراح يقفّله إلا ابوي إذا طلع بالسلامة -ان شاء الله- ،، وسأطالب بوالدي وأفضح سياستكم

9- الخبيثة والخسيسة .. يعني أي خبث وأي حقارة هذي؟ تحرمني من أعز انسان مدة 8 سنوات واذا طالبت به

10- رحتوا تضغطون على ابوي وتجبرونه يقول لي قفل حسابك..ابوي مايدري وش أغرد ولا يدري وش أكتب،يعني كيف عرف؟

11- انتم بضغطكم هذا تشجّعوني اني أكمل المطالبة 'بالتغريدات' اللي يظن البعض انها ماتنفع، شوفوا وش سوّت

12- فيهم التغريدات، وهذا رد لكل اللي قال لي وقف لا تكتب والتغريدات مامنها فايدة..يالحبيب 8 سنوات واحنا

13- نراكض وراهم في الداخلية ومن مكتب إلى مكتب، كذب ودجل وخبث، جهاز خبيث من أكبر راس إلى أصغر راس

14- والله مسكين اللي يصدّقهم ويروح لهم كل فترة .. ملّينا الخطابات ملّينا البرقيات ملّينا مقابلات .. كذب

15- والله كذب، الله ينتقم ممن كان السبب.. احب ابشر المباحث انكم حمّستوني اكتب وعلمتوني ان التغريدات هذي

16- توصلكم وتسوّي فيكم 'شُغُل' هههههههههههههه .. يعني بالله وش كتبت أنا غير اللي انتم تسوّونه فينا؟

17- واقول للمباحث اللي يقرون تغريداتي: تبون الحساب يقفّل؟ طلعوا ابوي وهو بنفسه يقفله،غير كذا ماراح يصير

18- وحاولوا تخلّون ابوي يتصل مرة ثانية عشان نسمع صوته ونسولف معه ^_^ .... وصلوا سلامي للوالد وقولوا له

19- ولدك رافض يقفل حسابه إلا لمّن تطلع، وشوفوا وش بيقول لكم .. اسأل الله أن يخرجه من بين أيديكم سالماً

20- غانماً .. وأسأله تعالى أن يهلك الظالمين ويرينا فيهم يوماً أسودا، يارب انهم أفسدوا وطغوا وتجبّروا

21- يارب خذهم أخذ عزيز مقتدر .. واشف صدور قومٍ مؤمنين بهلاكهم، ياسميع ياقريب .. والسلام عليكم -__-